बजेटमा निजी क्षेत्रको भावना समेटिएको छ : महासंघ

पर्यटन क्षेत्रलाई सरकारले उपेक्षा ग-यो : पर्यटन व्यवसायी

 

आर्थिक संवाददाता ,
काठमाडौं, असार ३० ,


नेपाल उद्योग वाणिज्य महासंघले सरकारले बुधबार सार्वजनिक गरेको बजेटमा निजी क्षेत्रको भावनालाई समेटेको भन्दै बजेटको स्वागत गरेको छ । महासंघका उपाध्यक्ष दिनेश श्रेष्ठले बुधबार राजधानीमा आयोजित बजेट समीक्षा कार्यक्रममा बोल्दै सरकारले बजेट निर्माणका बेला निजी क्षेत्रले दिएका सल्लाह र सुझावलाई बजेटमा समेटेको भन्दै महासंघले बजेटको स्वागत गरेको बताएका छन् । श्रेष्ठले बजेटमा करको दर नबढाएर करको दायरा बढाउन थ्रेस होल्डलाई २० प्रतिशतबाट ५० प्रतिशत पु¥याइएको भन्दै यो सकारात्मक विषय भएको बताए । श्रेष्ठले बढी रोजगारी दिनेलाई छुट, ऐन कानुन सुधार प्रतिबद्धता, निर्माण सामग्रीमा छुट, भन्सार सुधार, स्मार्ट सिटी निर्माण योजना लगायतका विषय सकारात्मक भएको बताए । निर्यातलाई सहुलियत, पूर्वाधारमा लगानी, ५० हजार युवालाई तालिम दिने विषय र कृषिमा निजी क्षेत्रको लगानी, सबै क्षेत्रमा सिँचाइको व्यवस्था लगायतका विषयहरुलाई पनि बजेटमा समेटिएको भन्दै उनले यसले निजी क्षेत्रलाई उत्साहित बनाएको बताए । उनले भूकम्पले क्षतिग्रस्त उद्योगको स्थानान्तरण वा पुनस्र्थापना, महिला उद्यम र संघीय राज्यका कुरालाई समेत बजेटमा उल्लेख गरेको भन्दै बजेटमा क्षेत्रीय सन्तुलन समेत कायम गर्न खोजिएको बताए । उनले बजेटमा उल्लेख भएका विषयहरुको कार्यान्वयन भएमा यसले मुलुकको आर्थिक विकासमा सहयोगी भूमिका निर्वाह गर्ने बताए ।



त्यस्तै नेपाल चेम्बर अफ कमर्सका उपाध्यक्ष राजेन्द्र मल्लले बजेटमा व्यवसायीहरुले मुरी खोजे पनि सकारले मुठी मात्र उपलब्ध गराएको आरोप लगाए । उनले सरकारले पुँजीगत खर्च बढाएको भन्दै विगतमा खर्च हुन नसकेको यस्तो बजेट यसपटक पनि खर्च हुनेमा आशंका व्यक्त गरे । मल्लले सरकारले हरेक क्षेत्रलाई मर्जरमा लैजाने निर्णय गरेको भन्दै योजनाविना ल्याइएका यस्ता कार्यक्रम प्रभावकारी हुनेमा शंका व्यक्त गरे । यता टे«किंग एजेन्सिज एसोसिएसन अफ नेपाल (टान)का अध्यक्ष रमेश धमलाले भने सरकारले बजेटमा पर्यटन क्षेत्रको उपेक्षा गरेको आरोप लगाएका छन् । धमलाले सरकारले पर्यटन क्षेत्रलाई तीन खम्बे नीतिअन्तर्गत राखे पनि व्यवहारमा भने उद्योगको रुपमा समेत मान्यता दिन नसकेको जस्तो देखिएको बताए । उनले बजेटले पर्यटन क्षेत्रलाई निराश बनाएको भन्दै भूकम्पले क्षतिग्रस्त बनाएको पर्यटनको पुनुरुत्थानका लागि सरकार उदासीन भएको आरोप लगाए । धमलाले सरकारमा हुनेहरुले चुनावी घोषणापत्रमा कृषि, पर्यटन र जलविद्युत्लाई प्राथमिकतामा राखे पनि बजेटमा भने पर्यटन क्षेत्रलाई समेट्न नसकेको भन्दै असन्तुष्टि व्यक्त गरे । उनले पर्यटन व्यवसायीहरुले सरकारबाट सहुलियत ऋणको अपेक्षा गरे पनि सरकारले त्यसको सुनवाइ नगरेको आरोप लगाए ।  भूकम्पपश्चात् पर्यटन क्षेत्रका झण्डै दुई लाख मजदुर विस्थापित भए पनि सरकारले उनीहरुका लागि कुनै कार्यक्रमको व्यवस्था नगर्दा समग्र पर्यटन उद्योगमा नै यसको असर पर्ने उनको भनाइ थियो ।

 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

एमालेलाई मधेसवादी दलले नरुचाए पनि मधेसी जनताले रुचाएका छन्

गत वर्ष संविधान जारी भएपछि एमालेको नेतृत्वमा सरकार गठन भयो । संविधानको विषयमा असहमति जनाएका मधेसवादी दलहरु त्यतिबेलादेखि नै एमालेसँग रुष्ट बन्दै आएका छन् ।...

एमालेका नेता तथा सांसद् हरिप्रसाद उप्रेती
कार्टून
news

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com